دانلود نوحه سلیم موذن زاده اصغر ای بختیمین اولدوزی دوشدون سحابه

متن نوحه اصغر ای بختیمین اولدوزی دوشدون سحابه سلیم

——|♪ ♬ ♪|——

اصغر ای بختیمین اولدوزی دوشدون سحابه
قالدی درناق یری سینه ده نسگل ربابه
هجرونده یانام دل داغلارام من
اللر دوشومده قان آغلارام من

────

آلتی آی دردوه داغ کیمی دوزدوم دایاندیم
آغلادون هر زمان باشوه دوردوم دولاندیم
نه سو اولدی نه صود من سنه باخدیم اوتاندیم
اود وروب قلبیمی غصه دوندردی کبابه

────

گون غروبه یتوب نیر تابان باتاندا
من باساردیم سنی باغریما ائللر یاتاندا
اینجیدردون منی سینمه درناق آتاندا
سن ملر من ملر هی دوشردوک پیچ و تابه
هجرونده یانام دل داغلارام من
اللر دوشومده قان آغلارام من

────

اوخشیوب لبلرون گوزلرون دردون آلاردیم
گل دیوب دیندیریب لای لای چالاردیم
هی بوزردون دوداقلاروی حیران قالاردیم
قلبیمی محنتون ایدردی التهابه
هجرونده یانام دل داغلارام من
اللر دوشومده قان آغلارام من

——|♪ ♬ ♪|——

اصغر ای بختیمین اولدوزی دوشدون سحابه از حاج سلیم موذن زاده + پخش آنلاین